قصيدة للعــــــــزاب فقط..

انا العزوبــــي واتقطـع تقطــع... على زواج البنت تدمع عيوني

انا العزوبي ويـــن مارحت ملتــاع... زين العذارء يالعرب جننوني

اشوفهم في كل روحـــه ومرجـاع... من حيث ماوليت هم عذبوني

فالبيت فالتلفاز والصــوت مذيـاع... حتى العمل ياناس مافارقوني

وليا نويت الســوق ناوي تبضـاع... اروح وارجع منخطف حيل لوني

ارجـع وقلبـي حايسٍ بين الاضلاع... من زود دقاته تخلع امتوني

اللي تغنج فالمشـي بالـتـدلاع... واللي تناظرني بطرف(ن) فتوني

وام العيـون السود والرمـش قطـاع... وام الجدايل والكحل بالجفونـي

وام النقاب اللي تمصـع تمصـاع... قدام عيني والبشـر يشهدونـي

كنهـا تمتـع في عذابـي تمتـاع... وانا العزوبي كان ربي ف عوني

واهل الجنوز الضيقه واهل الاوساع... مدري وش اللي حدهم يلبسوني

منهـم تجرعـت المـــراره تجــراع... في كل يوم يزيد همي وحزوني

لو نطلع المريخ في لحظـه وسـاع... نلقى العوايـل قبلنـا يطلعونـي

من بعد طرح وجمع وهموم وصـراع... قررت انا اخطب بنت وانهي ظنوني

وفي ليلة الفرحه تقـول انـي مرتـاع... ومن زود مافينـي تراقـل سنونـي

ابوهـا قـال اليــوم مانـي بطـمـاع... عندي شروط(ن) للمهر واعذرونـي

يقوم يوحـي لـي ويشر بالاصباع... يبغي المهـر ميتيـن او يكثرونـي

يقول يبغى العرس في قصور واقـلاع... ونبغى ذهب لام العروس المزونـي

ونبغى الحلا والكيك من كـل الانـواع... تـبـون والا ياعـسـا ماتبـونـي

نـاس ٍ تحسب البنت شروه ومبيـاع... تبي المكاسب لو زادت ديوني

ماهمهم لـــو زاد همي والاوجــاع... ماهمهم ياكود ملي البطونـي

يامؤمنـن بالله ساجــد وركــاع... بنتك امانه حاذر انك تخونـي

لا تعنس ابنيتك فـي سّبت اشبـاع... نفسك وجمع افلوس ماينفعوني

بكره ليا جتك المنيــه والاوجـاع... تندم ولا ينفعك دمع العيونـي

الخيمه اللـي بدون عمدان وشـراع... يمكن تطيرها الهبايب بهوني

انا العزوبــي واتسكـع تسكـاع... تكفون بالله يالعرب زوجوني[ندعوك للتسجيل في المنتدى أو التعريف بنفسك لمعاينة هذه الصورة]

وين الدود

شكله ما عجبكم الموضوع

[ندعوك للتسجيل في المنتدى أو التعريف بنفسك لمعاينة هذه الصورة]

» قصيدة عن التجنيس
» قصيدة تجمع جميع سور القرآن الكريم
» قصيدة رااااقت لي كثير حبيت تشاركوني متعة قراءتها