تقدمت للزواج 8 مرات وتم رفضي وتزوجت بـ

اللهم صل على محمد وال محمد وعجل فرجهم

السلام عليكم و رحمة الله و بركاته

(( بحريني أصلي أبا عن جد)) يشكووووو الحااال لله ومن ثم لكم.... واليكم الكلام....انما ليس هو فقط
بل أكثر شباب البحرين يشكون من نفس الحال....
والموضوع تخص شيعة وسنة....وانا نقلت الموضوع.

أعمل سيلز (( بايع)) بأحدى المجمعات التجارية, أتلقى راتب 250 ومع قص التأمين منها يكون أستلم صافي الراتب 230 دينار))....(( عمره 23 سنة ))....مجمع له مبلغ 2500 دينار مع الجهد والتعب وعوار الراس والأذية الي يتلقاها من المسئولين الأجانب (( ومن المسئولين الي منه وفيه حسافه بس))....

(( يقول كنت أسمع من الناس الي يقول البنات يتشيرطون ويحطون شروط تعجيزية ويبون فلوس ومهر عبله وجذي وكنت أقرا بالمنتديات عن هسوالف لكن (( ماكنت أصدق كنت أقول هاي حجي ناس وكلام المنتديات الي لاتودي ولاتجيب))....(( لكن لما تقدمت حق مجموعة من البنات اهني انصدمت وانصميت بالواقع وعرفت كل شيء بنفسي و صج الي قال الدنيا تجارب))....

ويقول لكم....تقدمت لأول بنت كانت بحرينية وانا انصدمت (( نعم انصدمت وانصميت بالواقع))

صح البنت ماكانت حلوة ذاك الزود لكن أهم شيء الأخلاق ع قولتهم لما قعدنا اول سؤالين سئلوني اياه
(( شنو تشتغل)) قلت لهم سيلز (( بايع باحدى المجمعات التجارية)),,,,
و (( اهني شوي سكتو ثواني وتالي قالو (( جم راتبك)) وقلت لهم راتبي 250 واستلم صافي الراتب 230.... وعلى طول رفضوني....
(( واهني يقول لنا ويش هالدنيا لا أقل ماسئلوني عندك سيارة؟عندك بيت؟عندك غرفة في بيت أبوك؟ وحتى عمري ماسئلوني جم عمري وياترى لو كان عمري 55 وانا معاشي 500 لكان بزوجوني بنتهم؟

========
ويقول لكم بعد الي صار له ماقدر يتحمل من الي صار له والناس كانو يقولون له اصبر اصبر ماجاك النصيب لحين وجوف لك مني مناك ولما رحت للبنت الثانية وكانت بحرينية بعد ....

اول ماتقدم لها: رحبو فيها بكل صدر و رحب...
سئلوه: عندك سيارة: = اي
سئلوه: عندك شقة او غرفة قال لهم عندي غرفتين و 2 حمام و 2 مطبخ....
سئلوه: جم عمرك : قال لهم 23....
سئلوه: جم راتبك: قال لهم 230 صافي الراتب::::....
اهني وافقو لكن ويش قالو شوفو العقول يا جماعة وانتو احكمو....
معاش 230 اوكي
قالو له: بنزوجك بنتنا بس شروطنا هي كالتالي::::

المهر: = 1700 دينار
الفستان: نبيها من الزين 1000 دينار
تشتري لها سيارة =
تدفع مصاريف دراستها=
الخطوبة = في صالة=
والزواج في فندق=
========
واهني صديقنا رفض....وهو لحين مافقد الأمل....
(( اهني نصحناه::::شوف لك غيرها وخيرها بغيرها....والبنات للحين ماخلصو....))
======
و تقدم لوحدة ثالثة وكذلك هم بحرينية وهذي البنت تشتغل بعد سيلز وراتبها نفس راتب الصبي الي متقدم لها وبعد الاسئلة والشروط ماوصلو لحل لانه اختلفو في اشياء واجد مثل المهر طلبوه 2000 و يبون لصبي يشتري لها سيارة و يدفع 5 سنوات حق هي تدش جامعه عيل راتبها هي تروح بس حق مكياج؟
اهني رفض و صاحبنا الأولي مايت ضحك جدامه وكان يقوله:::مالت عليك ياطايح الحظ مايودت الا على البحرينية يعني....(( وهو كان تدرون ويش يرد عليه::::يقول له::::انت شكو انا بحريني وأبي اخد لي بحرينية حلاة الثوب رقعته منه وفيه طبعا لو وصلنا الا حل هالمثل بنتطبق علينا....
مع ان صاحبنا كان بحريني أبا عن جد بعد لكن عقليته ما شاء الله فاهم....ولكن صاحبنا الثاني كان صبور شوي....======
وتقدم حق وحدة رابعة وبعد الكلام وعوار راس والدردشة وضياع الوقت والشروط التعجيزية
واهني صديقي حصل له شروط واجد وقال لهم مو مشكلة انا موافق واهني كان شيء واحد فقط نسو يسائلونه؟ تتوقعون شنو هو؟ ماقالو له جم عمرك؟ ولما سئلوه بلاخير جم عمرك قال لهم 23 سنة وقالو له مسامحة نبي نزوج بنتنا الي عمرها 20 سنة بواحد اكبر منها بسنة او سنتين....او بواحد على قد عمرها 20 سنة....
اهني صديقنا كان مستحمل بعد ولحين كان يقول ابي بحرينية وابي بحرينية واهني الناس نصحوه ياخد له وحدة سورية او لبنانية او هندية ....
======
وتقدم حق الخامسة رفضوه بسبب ان هو طوله مو اوكي لانه البنت اطول منه بشوي....
ولحد الان صاحبنا كان مستحمل....
ونفس الحركات يجي واحد من ربعه يطنز عليه ويخلونه في هالفوضى....
======
وتقدم حق السادسة و رفضوه بسبب مستواه الدراسي ثانوي وان البنت متخرجة جامعه لكنها تشتغل كيشر باحدى المجمعات التجارية....
======
وتقدم حق السابعة ورفضوه بحجة ان البنت تبي تكمل دراستها....
======
وتقدم حق الثامنة رفضوه بسبب ان هو عنده حق مهر 1500 وهم طلبو منه مهر 2000
اضافة ان طلبو منه شهر العسل يقضونها في لندن....
ونفس الشيء يجي واحد من ربعنه كله يطفشه يقول فشلووه مايبونك لانه راتبك هالقد واحلم يا فقير....
======
اهني صاحبنا البحريني الاصلي (( تدرون شنو سوى؟؟؟؟))
و شنو قال....
(( قال)) (( تقدمت لبنات ديرتي البحرين الغالية....وانا عجزت ويأست منهن....
و(( الي على بالها على راسها ريشة))....
و الي (( والي (( والي (( والي ((....
واخرته تذكر كلام صاحبه الي كان ينصحه بأن ياخد له من بره....واليكم ماحصل والحين هو تزوج توه من شهرين ثلاثة شهور....

يقول: انا بداية ماكنت ابي الا بنت ديرتي لكن لو بنت ديرتي ماتبيني انا مابيها
وانا مارحت حق وحدة ولا حق 7 انما انا رحت حق وحدات الي هن = 8 لكن مابي اواصل الطريق....
وكفاية الي فينا خلاص....
و قام يواصل يقول: بنت ديرتني باعتني وانا بعتها....
واكو الحين تزوج له سورية ومن نفس مذهبه....

واليكم ماحدث له هناك....

يقول رحت سوريا مع واحد من السورين من الي في البحرين الي من زمان يعرفه....
وتقدمو حق وحدة خريجة جامعية تشتغل دكتورة أسنان....وراتبها توصل بالبحريني تقريبا
الا 300 الا 350 دينار....
ولما رحت لها وبدون ماهي تدري كونها اهي من نفس القرية الي صاحبنا له اهل بالقرية....
ولما دخلنا....
أول شغلة: رحبو فينا بكل صدر و رحب....
وقدمو لنا الشربت وجميع انواع الفواكه الطازجة....
و قالو لي....
اول شيء : ماسمك....
وثاني شيء: جم عمرك....
وثالث شيء: مستواي التعليمي....
و رابع شيء: شنو اشتغل...
و خامس شيء:جم راتبك....
و سادس شيء....عندك سيارة....
و سابع شيء....عندك بيت او غرفة....
و شروطهم كان كما يلي....

المهر يكون القران الكريم او شيء بسيط من ذهب او قدر ماتقدر تدفع
واهني يقول لكم

خطبت في صالة اضافة الزواج في مزرعه = يقول المهر+الخطوبة الي صارت في الصالة+الزواج+ وكل مصاريف هايلين كانت ويش حلاوتها وكلفوني 2500 دينار كامل....و دفعت شيء بسيط جدا جدا حق اجيبها البحرين وخلاص....

و (( البنت احنه شخصيا شفناها)) (( ما شاء الله متحجبة عدل ومحتشمة+ومن نفس مذهبنه))....
اهني صاحبنه قال لنا::::انصحكم بالي من بره بدون وجع راس لو من اول بحرينية رفضتكم وثاني بحرينية رفضتكم خدو من بره وارتاحو....

واترك لكم التعليق
و هنيئا للبحرينيات
لحد يقول لي شوفو دول الخليج مهور على 50 الف دينار مادري جم
لانه احنه في البحرين عندنا الرواتب 250 الا 200 = والي في دول الخليج رواتبهم اقل شيء 400 ....
والي تبي تتشيرط هاذي مصيرها....
وتالي بتقولون لنا اكو ولد الديرة تارك القريب وماخد البعيد....
عرفتو الحين ليش الناس كله تاخد من بره وتتركم تعنسون....

(( مو كل البنات يتشيرطون لكن أكثرهم الحين في هالزمن يتشيرطون))

منقووووووووووووووووول

تحياتي

امواج داركليب

مشكووووور على الموضوع
بنات الزمن كلا اشيرطون مو كلهم يعني عن الغلط نصهم

تحياتي /بوشروان

بسم الله الرحمن الرحيم

بل بل
كل مرة شروطها اخس من الثانية

تسلم على الموضوع

بنات آخر زمن ما ينعطوون وج



مع تحيات : لـ 11 ــيــثــ 11 ــي